كان في سؤال عايزة اسأله من فترة بس مكنتش عارفة اسأله ازاي
هو ليه الشباب دايما مستعجل
او بمعنى ادق ليه الرجل دايما مستعجل؟
يعني ليه لما واحد يروح يصارح واحدة انه معجب بيها او بيحبها بيكون عايزها ترد في الحال؟
هل هو اول ما شافها راح كلمها واخد القرار في الحال؟ ولا خد شوية وقت عقبال ما فكر واختبر مشاعره؟
ليه دايما عند الشباب التصور بإنه عشان بيفكر في بنت فهي بتفكر فيه في نفس الوقت وبتمر بكل المراحل اللي هو بيمر بيها معاه عشان كده لما يصارحها هي المفروض تقول انا موافقه على طول
ولما البنت تطلب فترة تفكر وترد فيها تلاقيه هو مستعجل ومتعصب ومش قادر يصبر ومتوتر جدا
ليــــــــــــــــــــــــــــــــــــــــــــــــــــــــه؟
هي مش ليها الحق انها تاخد وقتها وتفكر زي ما انت ما فكرت وقررت؟
هو قرار الموافقة على شريك الحياة والارتباط ده سهل عشان اول ما يروح يكلما توافق على طول؟
مش في لسه اهل لازم تاخد رأيهم ومحتاجة تتكلم معاه وتعرفه اكتر قبل ما تتربط معاه بوعد
عارفين البنات بتفكر ازاي في الموضوع ده؟
القرار بيبقى صعب اوي اوي
عشان هي عارفه ان قرارها ده يا هيطلع واحد سابع سما ويديله امل كبير لو وافقت
يا هينزل واحد سابع ارض وممكن يكسره لو رفضت
من الصعب انها تكسر انسان بس من الصعب انها ترتبط بيه لمجرد انها مش عايزة تكسره
ومن الصعب انها تديله امل وتسحبه منه تاني عشان هي اتسرعت في اعطائه الامل ده
القرار بيبقى صعب بجد فوق ماتتخيلوا
البنت فيه بتتخلى عن كل تفكيرها الطفولي وبتقعد تفكر في حياتها مع الانسان ده هل هو هيبقى زوج كويس وهيحميها وهتحس معاه بالامان ولا لأ؟ هل هو هيبقى اب كويس ولا لأ؟ هل هما لو ارتبطوا هيكملوا ولا ممكن الموضوع ينتهي بجرحهم هما الاتنين
الموضوع بيبقى اصعب لو هما اصدقاء او العيلة اصدقاء او اقارب عشان في حالة فشل الخطوبة او الزواج معنى كده ان الصداقة دي انتهت
يعني هي فقدت انسان مهم في حياتها لمجرد انهم حبوا يغيروا علاقتهم ببعض من اصدقاء الي احباء هيتجوزوا
طيب المفروض الولد يعميل ايه؟
اللي البنت عايزاه انه يطمنها مش بكلام الحب لأ بالافعال يوريها انه محترم قرارها جدا وان كل اللي يهمه سعادتها تى لو رفضته يديها الsupport
يحاول يفهمها وميستعجلهاش وميحسسهاش بالذنب لمجرد انها عايزة وقت تفكر عشان تقرر
لو حست انه صبر عليها وانه بيحبها بجد وانه هيحميها من العالم كله ومن نفسه ومن نفسها اذا لزم الامر وان سعادتها بس هي اللي تهمه وانهم هيبقوا زي الاول واحسن ايا كان القرار ومش هيخسروا بعض وان كل حاجة قسمة ونصيب
ساعتها بس هيتشال الضغط العصبي من عليها وهتعرف تفكر صح وساعتها بس الوقت اللي هتاخده وهي مضغوطة هيبقى اكتر كتير من الوقت اللي هتاخده وهي مرتاحة
بيتهيألي اللي بيحب حد بيحب يشوفه مرتاح ولا ايه؟
عايزة اعرف اراء الرجال عشان اعرف دوافعهم هما مستعجلين ليه؟
هو ليه الشباب دايما مستعجل
او بمعنى ادق ليه الرجل دايما مستعجل؟
يعني ليه لما واحد يروح يصارح واحدة انه معجب بيها او بيحبها بيكون عايزها ترد في الحال؟
هل هو اول ما شافها راح كلمها واخد القرار في الحال؟ ولا خد شوية وقت عقبال ما فكر واختبر مشاعره؟
ليه دايما عند الشباب التصور بإنه عشان بيفكر في بنت فهي بتفكر فيه في نفس الوقت وبتمر بكل المراحل اللي هو بيمر بيها معاه عشان كده لما يصارحها هي المفروض تقول انا موافقه على طول
ولما البنت تطلب فترة تفكر وترد فيها تلاقيه هو مستعجل ومتعصب ومش قادر يصبر ومتوتر جدا
ليــــــــــــــــــــــــــــــــــــــــــــــــــــــــه؟
هي مش ليها الحق انها تاخد وقتها وتفكر زي ما انت ما فكرت وقررت؟
هو قرار الموافقة على شريك الحياة والارتباط ده سهل عشان اول ما يروح يكلما توافق على طول؟
مش في لسه اهل لازم تاخد رأيهم ومحتاجة تتكلم معاه وتعرفه اكتر قبل ما تتربط معاه بوعد
عارفين البنات بتفكر ازاي في الموضوع ده؟
القرار بيبقى صعب اوي اوي
عشان هي عارفه ان قرارها ده يا هيطلع واحد سابع سما ويديله امل كبير لو وافقت
يا هينزل واحد سابع ارض وممكن يكسره لو رفضت
من الصعب انها تكسر انسان بس من الصعب انها ترتبط بيه لمجرد انها مش عايزة تكسره
ومن الصعب انها تديله امل وتسحبه منه تاني عشان هي اتسرعت في اعطائه الامل ده
القرار بيبقى صعب بجد فوق ماتتخيلوا
البنت فيه بتتخلى عن كل تفكيرها الطفولي وبتقعد تفكر في حياتها مع الانسان ده هل هو هيبقى زوج كويس وهيحميها وهتحس معاه بالامان ولا لأ؟ هل هو هيبقى اب كويس ولا لأ؟ هل هما لو ارتبطوا هيكملوا ولا ممكن الموضوع ينتهي بجرحهم هما الاتنين
الموضوع بيبقى اصعب لو هما اصدقاء او العيلة اصدقاء او اقارب عشان في حالة فشل الخطوبة او الزواج معنى كده ان الصداقة دي انتهت
يعني هي فقدت انسان مهم في حياتها لمجرد انهم حبوا يغيروا علاقتهم ببعض من اصدقاء الي احباء هيتجوزوا
طيب المفروض الولد يعميل ايه؟
اللي البنت عايزاه انه يطمنها مش بكلام الحب لأ بالافعال يوريها انه محترم قرارها جدا وان كل اللي يهمه سعادتها تى لو رفضته يديها الsupport
يحاول يفهمها وميستعجلهاش وميحسسهاش بالذنب لمجرد انها عايزة وقت تفكر عشان تقرر
لو حست انه صبر عليها وانه بيحبها بجد وانه هيحميها من العالم كله ومن نفسه ومن نفسها اذا لزم الامر وان سعادتها بس هي اللي تهمه وانهم هيبقوا زي الاول واحسن ايا كان القرار ومش هيخسروا بعض وان كل حاجة قسمة ونصيب
ساعتها بس هيتشال الضغط العصبي من عليها وهتعرف تفكر صح وساعتها بس الوقت اللي هتاخده وهي مضغوطة هيبقى اكتر كتير من الوقت اللي هتاخده وهي مرتاحة
بيتهيألي اللي بيحب حد بيحب يشوفه مرتاح ولا ايه؟
عايزة اعرف اراء الرجال عشان اعرف دوافعهم هما مستعجلين ليه؟
هناك تعليقان (2):
موضوح حلو يا نيو
بس عايز اقولك ان مش كل الشباب بيستعجلوا
كمان اللي بيستعجل مش بيروح يكلم البنت اول ما يشوفها ويعجب بيها بالعكس بيفضل عايش في صراع مع نفسه لفترة من الزمن انه يروح يكلمها ولا لأ والفترة دي بتختلف من واحد للتاني حسب شخصيته وطباعه وكمية الجرأة الموجودة عنده كمان بيبقى خايف يترفض بيفكر ألف مرة قبل ما ياخد قرار زي ده
واللي ممكن يشجعه على خطوة زي دي انه يحس يقبول من البنت نفسها لانه لو مش حاسس بقبول هيشيل الفكرة من دماغه تماما
بالنسبة لمسألة انه ليه يروح يكلمها وهو ظروفه متسمحش انه يرتبط بيها في الوقت ده لاسباب دراسية غالبا او مادية في بعض الاحيان فده لانه بيبقى خايف انها تطير من إيده او ان حد تاني مستعد وجاهز يتقدملها وتوافق عليه
فبالتالي لما بيطلب منها ده اولا مبيطلبش منها الموافقة بل بيديها فرصتها تفكر وتاخد وقتها
ثانيا موافقتها بتبقى بمثابة وعد منها انها هتستناه لحد ما يقدر يرتبط بيها
طبعا مش كل الولاد ملايكة وبعضهم ممكن يعمل كده بغرض التسلية او لما يحس ان البنت شايفة نفسها يعمل كده عشان يكسرها من وجهة نظره... وطبعا اللي بيعملوا كده لا يمتوا للجنس البشري بصلة
ومش كل البنات ملايكة في منهم اللي ممكن تتعمد توصل للولد اللي قدامها نوع من القبول وتشجعه انه ياخد خطوة زي دي وبعد كده تقوله مع السلامة عشان ترضي غرورها ودول كمان لا يمتوا للجنس البشري بصلة
الموضوع اللى طرحتيه ده يانيو مهم جدا وقدرتى تعبرى عن حال بنات كتير .والموضوع فعلا صعب ان حد يطلبك منك انك تشاركيه حياته الموضوع بالنسبة للبنت بيبقى اصعب بيبقى جواها خوف بيبقى بالنسبة ليها قرار مصيرى وبتحتاج وقت اطول وقت تفكر وتقرر .بتبقى خايفة جدا تجرح الانسان ده وبتبقى تحت ضغط وانا معاك لما قلتى ان اللى بيحب حد كفاية بيتمنى يشوفه سعيد سواء معاه او مع غيره وبتمنى ليه الخير مش يكرهه بقى وفى لحظة مشاعره تتغير
والموضوع طبعا نصيب وافتكر ان الشاب يعنى يحاول يمهد فى البداية لان فى شباب بتفتكر لما هو بيحب بنت لازم تكون هى كمان بتحبه ومستعدة ترتبط بيه وممكن يتصدم وعلشان كده مش لازم يستعجل ولا هى كمان تستعجل دى حياة ومستقبل
وعجبنى اسلوبك جدا ياقمر ربنا يبارك فيكى ويحميكى
إرسال تعليق